“Era arqueologia aplicada ena restauracion e consolidacion deth temple e es entorns de Santa Maria d’Arties (Naut Aran, Val d’Aran)”

Abstract

Es resultats mos deren tota era seqüéncia estratigrafica patida per endret a traues deth temps, vedent coma en sègle X auíem ja ua necropòlis en endret jos era quau s’auien construït es prumères estructures castraus dera zòna. Posteriorament se bastie era prumèra glèisa pre-romanica que semble èster, estarie englobada per part d’aqueres primitiues traces de fortificacion, que malurosament non s’an pogut datar damb precision, mès que corresponen ara etapa Naut Medievau. Ath delà, ja en darrèr quart deth sègle XII se construic er actuau temple romànic, que tanben tornec a èster entornejat per ua estructura castrau que profitaue parts deth prumèr castèth, incloent-lo en sòn interior, deth quau abantes dera actuacion encara se’n vedien diuèrsi vestigis, coma era tor plaçada dauant dera pòrta nòrd dera glèisa e diuèrssi trams de muralhes.